Jumayev Akbarjon Sayfullayevich «Mashina mexanikasi va mashinasozlik» bo‘yicha yetuk mutaxasis, ilm-fanni yuksaltirish ustida muvaffaqiyatli ishlab kelmoqda. Yangi mexanizmlar, (tishli, tasmali, zanjirli, elastiklik va boshqa), texnologik mashinalar uchun qayishqoq elementlarga ega tekis va fazoviy tayanch mexanizmlarni strukturaviy, kinematik va dinamik tahlil qilishning yangi usullarini ishlab chiqish ustida ilmiy izlanishlar olib bormoqda. Uning asosiy ilmiy yo‘nalishi mexanizmlar va mashinalar nazariyasi, mashinashunoslik va mashina detallari bo‘lib, yangi innovatsion texnologiya yordamida tog‘-kon sanoati korxonalarida transport vositasi sifatida muhim o‘rin tutuvchi tasmali konveyer tarkibiy qismlarini konstruksiyasini takomillashtirish va ilmiy asoslash bo‘yicha ilmiy izlanishlar olib bormoqda va bir necha barobar yuqori iqtisodiy ko‘rsatkichlarga erishishni o‘z oldiga maqsad qilib qo‘ygan. Ilmiy tadqiqot ishini bevosita Navoiy kon-metallurgiya kombinati Davlat korxonasi «Muruntau» karerida olib bormoqda. 05.02.02-Mexanizmlar va mashinalar nazariyasi. Mashinashunoslik va mashina detallari ixtisosligi bo‘yicha «Tasmali konveyer tarkibli yo‘naltiruvchi rolikli mexanizmlari konstruksiyasini takomillashtirish va parametrlarini asoslash» mavzusidagi doktorlik dissertatsiya ishini muddatidan oldin imtiyozli ravishda muvaffaqiyatli himoya qilib, texnika fanlari bo‘yicha falsafa doktori (PhD) ilmiy darajasi diplomi tasdig‘ini olgan. Yetuk tajribali pedagog, ilmiy ishlarga chanqoqligi, mehnatsevarligi, harakatchanligi, olg‘a intilishi bilan ko‘plab o‘quv va uslubiy qo‘llanmalar, tezislar va maqolalar, ilmiy monografiyalar va patentlar guvohnomasi muallifidir. Jumayev Akbarjon Sayfullayevich mexanizmlar va mashinalar nazariyasi, mashinashunoslik sohasining eng tajribali yosh olimlaridan biridir. Texnologik mashinalar mexanizmlari nazariyasi (qishloq xo‘jaligi mashinalari, tog‘-kon sanoati uskunalari va transport vositalari va boshqalar) sohasida ilmiy maktab a’zosi hisoblanadi. Mehnat faoliyati mobaynida ilm-fan taraqqiyoti yo‘lida o‘z bilimi, iqtidori, mehnatsevarligi bilan Jumayev Akbarjon Sayfullayevich ustozlari e’tirofi bo‘yicha, hayoti – haqiqiy ilm-fan taraqqiyoti yo‘lidagi fidoyilik n’amunasi hisoblanadi. Oilali, uch nafar farzandning otasi.