Muzaffarova Nodira Mardonovna Yevropa tillari kafedrasi professor-oʻqituvchisi ilmiy izlanuvchi N.Muzaffarova 1986-yil 14 martda Buxoro viloyati Gʻijduvon shahrida tugʻilgan. 2002-yilda fransuz tiliga ixtisoslashtirilgan litseyni bitirgach shu yili OʻzDJTU fransuz filologiyasiga qabul qilinib, oʻqishni davom ettirish uchun magistratura bosqichiga kirib 2008 yilda tamomlagan. Oʻz faoliyatini 2006 yilda OʻzDJTU qoshidagi “Ziyo” nomli maxsus gimnaziyada fransuz tili oʻqituvchisi sifatida boshlagan. 2008-2008 yillari “International Kurash Association” xalqaro aloqalar bo‘limi mutaxassisi, 2008-2009 yillari Butunjahon Kurashni rivojlantirish jamg‘armasi marketing va investitsiya masalalari bo‘limi mutaxassisi, 2009-2010 yillari O‘zbekiston Kurash Milliy federatsiyasi xalqaro aloqalar bo‘limi mutaxassisi, 2010 yildan buyon esa Nizomiy nomidagi Toshkent davlat pedagogika universiteti xorijiy tillar fakultetida fransuz tili o‘qituvchisi lavozimida ishlab kelmoqda. N.Muzaffarova respublika va xalqaro miqyosdagi ilmiy-amaliy anjumanlarda tezislari bilan ishtirok etish bilan birga 50 dan ortiq tezislar, maqolalar, uslubiy ishlanmalar muallifi hamda bugungi kunda 2 ta oʻquv qoʻllanma tayyorlanib nashrga berilgan. Nufuzli xalqaro va respublika jurnallarida, jumladan xalqaro indeksiyalashtirilgan Scopus jurnalida 15 dan ortiq ilmiy maqolasi chop etilgan. Professor B.Xodjayev ilmiy rahbarligida “Millatlararo dialog vositasida talabalarda fransuz madaniyatiga qiziqishni rivojlantirish” mavzusida doktorlik dissertatsiyasi ustida ilmiy izlanishlar olib bormoqda. N.Muzaffarova koʻpgina xorijiy mamlakatlarda bo‘lib o‘z ko‘nikma va malakasini oshirib borishdan to‘xtamaydi, jumladan rasmiy tomondan Belgiya, Fransiya mamlakatlariga malaka oshirish uchun uyushtirilgan grandlarni qo‘lga kiritib ushbu davlatlarda stajirovkada boʻlgan. Universitet talabalari uchun “J’aime le français” to‘garagini tashkil etgan bo‘lib, 5 tashabbus bo‘yicha bir qancha konkurs va viktorinalarni faol olib bormoqda. 2022 yildan TDPU da STEM fanlarini fransuz tilida o‘qitish bo‘yicha hamkorlikda o‘qib-ishlab, kelajakda talabalarni Fransiyaga stajirovkaga jo‘natish borasida bir qancha ishlarni oshirishda yetakchilik qilib kelmoqda.