ALIQULOV HUMOYUN TOHIR O‘G‘LI Iqtisodiyot va pedagogika universiteti “Iqtisodiyot” kafedrasi assistenti Aliqulov Humoyun Tohir o‘g‘li 1995 yil 26 aprelda Qashqadaryo viloyati Kitob tumanida ziyoli oilasida dunyoga kelgan. Millati o‘zbek, ma’lumoti oliy. 2011 yilda Kitob tumanidagi 8 maktabni a’lo baholarda yakunlagan. Shu yilda Qarshi muhandislik-iqtisodiyot instituti qoshidagi 3 sonli Akademik litseyning “Aniq iqtisodiyot” yo‘nalishiga yuqori ball bilan qabul qilingan hamda 2014 yilda ushbu litseyni “qizil” diplom bilan tamomlagan. 2014 yilda davlat test imtihonlaridan 189.1 ball to‘plagan va Toshkent moliya institutining “Bank ishi” yo‘nalishida talabalar qatoridan joy olgan. 2018 yilda ushbu institutni a’lo baholarda bitirgan. 2019 yilda Turon bankning Shaxrisabz filialida “buxgalter-operator” lavozimida faoliyat yuritgan. 2025 yilning yanvar oyida Qarshi davlat texnika universiteti “Iqtisodiyot (tarmoqlar va sohalar bo‘yicha)” mutaxassisligi  magistraturasini tamomladi. 2022 yilning 3 oktyabridan buyon Iqtisodiyot va pedagogika universitetining “Marketing va talabalar amaliyoti” bo‘limi bosh mutaxassisi hamda 2024 yil 3 fevralidan boshlab shu universitetning “Iqtisodiyot” kafedrasi assistenti lavozimida faoliyat yuritmoqda.  Uning 10 ta ilmiy maqolasi nashr etilgan bo‘lib,ularning barchasi “Yashil iqtisodiyot”ni hamda yashil o‘sishga erishish yo‘llarini ta’minlashga qaratilgan, 2 ta о‘quv-uslubiy ishlar muallifi sanaladi. Shuningdek uning “Ekologik muammolarning mohiyati, oqibatlari va hal etish yо‘llari” nomli dasturga egalik huquqi mavjud.