Собиров Мухторжон Махаммаджанович 1984 йил Наманган вилояти Чортоқ туманида зиёлилар оиласида туғилган. 1991 йилда Наманган вилояти Чортоқ тумани 5-ўрта мактабга қабул қилинган. 2002 йилда ўрта мактабни аъло баҳоларга тамомлаган. 2002 йилда Наманган муҳандислик-педагогика институтининг Технология факултетига ўқишга кирган ва 2006 йилда “Кимёвий технология” йўналиши бўйича бакалавр дипломини олган. 2006-2008 йилларда Наманган муҳандислик-педагогика институтининг магистратура бўлимида ўқиган. 2008 йилда “Кимёвий технология” мутахассислиги бўйича магистрлик даражасини олган. 2007-2008 йилларда Наманган муҳандислик-педагогика институти катта лаборанти, 2008-2010 йилларда шу институтда лаборатория мудири ва ассистент бўлиб ишлаган. 2011-2012 йилларда ЎзР ФА Умумий ва ноорганик кимё институти стажёр-тадқиқотчи-изланувчиси, 2013-2014 йилларда катта илмий ходим-изланувчиси, 2014-2018 йилларда ЎзР ФА Умумий ноорганик кимё институти кичик илмий ходими лавозимида ишлаган. Собиров Мухторжон Махаммаджанович «Инсектицид фаолликка эга бўлган азот, фосфор, калийли мураккаб суспензияли ўғит олиш технологиясини яратиш» мавзусида илмий изланишлар олиб борган, техника фанлари бўйича фалсафа доктори илмий даражасини олган. Ушбу йўналиш бўйича 150 дан ортиқ илмий иш чоп эттирган. Шулардан 40 дан ортиқ мақола Республика ва хорижий журналларда нашр этилган. 2019 йилдан Наманган муҳандислик-қурилиш институтида кафедра мудири лавозимида ишлаб келмоқда.