1. Aqmonov Botirbek Omonboyevich, 1989 yilda tugʻilgan, millati - oʻzbek. 2. Oʻzbekiston davlat jismoniy tarbiya institutini (hozirgi Oʻzbekiston davlat jismoniy tarbiya va sport universiteti) 2013 yil magistratura sport faoliyati (yengil atletika) iхtisosligini tamomlagan. 3. B.O.Aqmonov 2013-yil 2-sentyabrdan “Yengil atletika, oʻgir atletika va velosport nazariyasi va uslubiyati” kafedrasiga oʻqituvchi lavozimiga tayinlangan. 4. Umumiy ish staji – 9 yil. Oʻzbekiston davlat jismoniy tarbiya va sport universitetida asosiy shtatdagi pedagogik staji – 9 yil, umumiy pedagogik staji – 9 yil. U 2007-2011 y.y. – Oʻzbekiston davlat jismoniy tarbiya instituti Yengil atletika mutaxassisligi bakalavr, 2011-2013 y.y. O‘zbekiston davlat jismoniy tarbiya instituti magistranti. 2013-2018 y.y. O‘zbekiston davlat jismoniy tarbiya instituti o’qituvchisi. 2018-2019 y.y. O‘zbekiston davlat jismoniy tarbiya va sport universiteti o’qituvchisi. 2019 yildan hozirgi kungacha O‘zbekiston davlat jismoniy tarbiya va sport universiteti, (396-sonli buyruq) Yengil atletika nazariyasi va uslubiyati kafedrasida katta oʻqituvchi lavozimida ishlab kelmoqda. 5. B.O.Aqmonov Yengil atletika nazariyasi va uslubiyati kafedrasida ish faoliyati davrida I-IV-bosqich talabalariga “Yengil atletika nazariyasi va uslubiyati”, “Sport pedagogik mahoratini oshirish”, umumiy bosqich talabalariga “Yengil atletikani o‘rgatish metodikasi” fanlaridan ma’ruza, amaliy va seminar mashgʻulotlarini oʻtib kelish bilan birga, mazkur fanlardan ishchi oʻquv dasturlar, o’quv uslubiy majmua, ma’ruza matnlari, nazorat savollarini tuzgan va davlat ta’lim standartlarini yanada takomillashtirishda oʻz hissasini qoʻshmoqda. Oʻquv-mashgʻulotlarni olib borish jarayonida talabalarning bilim, koʻnikma va malakalarini shakllantirishga imkon beruvchi pedagogik teхnologiyalardan keng foydalanib, talabalarning bilimlarini chuqurlashtirishda ularni faollashtirishga katta e’tibor qaratadi, taqdimotlar namoyishi orqali ularda fanga boʻlgan qiziqishni yanada kuchaytirishga intiladi. 6. B.O.Aqmonov kafedrada ilmiy kadrlarni tayyorlash borasida ham faol qatnashib kelmoqda. Fakultet va universitet, xalqaro miqyosda oʻtkaziladigan ilmiy-amaliy anjumanlar va sport musobaqalariga iqtidorli talabalar, magistrantlarni tayyorlashda ishtirok etadi. Kafedraning ilmiy-tadqiqot ishlariga jalb qilingan iqtidorli talabalarga uslubiy va amaliy jihatdan yordam berib kelmoqda. B.O.Aqmonov sportchilarning ma’naviy, jismoniy sifatlari koʻrsatkichlariga ijobiy ta’sir etuvchi omillarni oʻrganishga doir ilmiy tadqiqot natijalari mahsuliga tayangan holda oʻz ma’ruza va amaliy mashgʻulotlari mazmunini boyitib keladi. U kafedra fanlarining ilmiy-uslubiy asoslari boʻyicha hammualliflikda ixtisoslik va umumiy bosqich talabalari uchun “Yakkakurash koordinatsion va siklik sport turlari (Yengil atletika)” fanlaridan darslik yaratgan. 7. B.O.Aqmonov Yengil atletika nazariyasini o’qitishda “Aqliy hujum”, “Blits soʻrov”,“Zinama zina”, “Bumerang”, “Muammoli ta’lim turlari”, “BBB” va “Keys-stadiy” “Ijodiy ish”, “Munosabat”, “Suhbat” kabi bir qancha yangi pedagogik teхnologiyalardan foydalanib dars mashgʻulotlarini olib boradi. B.O.Aqmonov “Yengil atletika nazariyasini va uslubiyati” kafedrasida ilmiy tadqiqot ishlarini olib borishga, oʻquv jarayonini uslubiy va ilmiy jihatdan ta’minlashga hamda kafedraning sport ishlariga mas’ul vazifasida ishlab kelmoqda. B.O.Aqmonov Oʻzbekiston davlat jismoniy tarbiya va sport universiteti talabalarini universitet sport, ma’naviy-madaniy tadbirlari va Toshkent viloyati miqyosida va respublikada oʻtkaziladigan sport va targʻibot-tashviqot ishlarida faol qatnashib keladi. 9. B.O.Aqmonov faoliyati davomida oʻzining ilmiy-pedagogik va ishbilarmonlik qobiliyatini namoyon etdi. Kafedrada oʻqitiladigan fanlarga oid oʻquv-me’yoriy hujjatlarni zamon talabiga moslashtirib, qayta ishlash, mashgʻulotlarni ilmiy asosda tashkil qilish va oʻtkazishda tashabbus koʻrsatmoqda. U talabalar bilan olib boradigan mashgʻulotlarni yuqori ilmiy-uslubiy darajada oʻtadi. B.O.Aqmonov ko’plab talabalarni respublika va xalqaro musobaqalarga tayyorlagan. U universitetning “E’tirof-2020” yilning eng faol sportchi murabbiyi nominatsiyasi g‘olibi bo‘lgan. B.O.Aqmonov talabalar bilan “Ustoz-shogird” tizimi asosidagi faoliyati davomida yosh talabalarning ilmiy ishlariga rahbarlik qilib keladi. Uning ilmiy rahbarligida ko‘plab bakalavrlarning bitiruv malakaviy ishlari tayyorlangan va muvaffaqiyatli himoya qilgan. B.O.Aqmonov - oʻz fikri, dunyoqarashi, mustahkam e’tiqodi, fuqorolik pozitsiyasiga ega boʻlgan, jismonan va ma’nan barkamol yoshlarni tarbiyalashdagi хizmatlari, хorijiy va respublika ilmiy-amaliy konferensiyalar, tanlovlarda faol ishtiroki va ilmiy yangiliklar yaratish borasida olib borayotgan samarali izlanishlari hamda jamoat ishlaridagi faolligi uchun universitet rektori va boshqa tashkilotchilar tomonidan diplom va sertifikat bilan taqdirlangan. 10. Oʻzbekiston davlat jismoniy tarbiya va sport universiteti Kengashi B.O.Aqmonovni dotsent ilmiy unvonini olish uchun tavsiya qilgan.