Jabbarov Rustam Ravshanovich 12-sentabr 1982-yil Toshkent viloyatida ishchi-xizmatchi oilasida tug‘ilgan. Millati Oʻzbek, oliy ma’lumotli. 2005 yil Nizomiy nomidagi Toshkent Davlat pedagogika universiteti “Badiiy grafika” fakulteti bakalavr bosqichini tamomlagan. 2007 yil magistratura mutahasisligini tamomladi. 2008 yildan shu kunga qadar Nizomiy nomidagi Toshkent Davlat pedagogika universitetining “Tasviriy san’at” kafedrasi oʻqituvchisi. 2022 yil 17-maydan shu kunga qadar Nizomiy nomidagi Toshkent Davlat pedagogika universitetining “Tasviriy san’at” kafedrasi dotsent v.b. lavozimida faoliyat koʻrsatib kelmoqda. Amaliy bezak san’ati, haykaltaroshlik, qalamtasvir fanlaridan mashg‘ulotlar olib boradi. 1 ta oʻquv qoʻllanma, 3 ta elektron darslik DGU, 7 ta uslubiy qoʻllanma, 1 ta Scopus, Xorijiy impact-factor, nufuzli bazalarda hamda Respublika jurnallari va konferensiyalarda 50 dan ortiq ilmiy maqolalari chop etilgan. 10 ta xorijiy iqtibos va 950 ta maxaliy iqtiboslarga ega. 2019 yildan Nizomiy nomidagi Toshkent Davlat Pedagogika Universitetining “Tasviriy san’at” kafedrasida “Amaliy sanat darslarida talabalarni innovatsion faoliyatga tayyorgarligini takomillashtirish” mavzusidagi ilmiy tadqiqot ish olib bormoqda. Ilmiy tadqiqot ishi yuzasidan 10 dan ortiq ilmiy maqolalar, 3 ta metodik qoʻllanma va turli xorijiy va Respublika ilmiy amaliy konferensiyalarida ma’ruzalari bilan qatnashib kelmoqda. 2020 yildan hozirgi vaqtgacha fakultet Kengashi kotibi, Shuningdek turli koʻrgazmalarda “Yangi asr iste’dodlari”, “Tasviriy va amaliy san’at” festivallarida shogirdlarining ijodiy ishlari bilan qatnashib sovrinli oʻrinlarni egallab kelmoqda. 2019 yil "Tasviriy san’at oʻqitish metodikasi" Respublika fan olimpiadasida uning shogirdi Islomov Botir 2-oʻrinni egalladi. Ustoz shogird tizimida Islomov Botir, Ashirova Zebo xalqaro va Respublika koʻrik tanlovlar va koʻrgazmalarida faol ishtirok etib diplom va qimmat baho sovg‘alar sohibi boʻldilar.