Alikhodjaeva Madina Ilyasovna 1962 yil Toshkent shahrida tug'ilgan. Millati o'zbek, ma'lumoti oliy. Oilali 3 nafar farzandi bor. Alikhodjaeva Madina Ilyasovna 1979-1984 yillari Toshkent farmatsevtika institutining talabasi bo'lib, imtiyozli diplom bilan tamomladi. 1984-1987 yillarda mazkur institutning farmatsevtik kimyo kafedrasida stajer-tadqiqotchi bo‘lib mexnat faoliyatini olib bordi. 1987-1988 yillarda shu kafedraning assistenti bo'lib, 1988 yilda aspiranturaga kirdi. 1991 yilda Toshkent farmatsevtika institutining aspiranturasini tugatib, farmatsevtik kimyo kafedrasida assistent bo‘lib ishladi. 1992 yilda Rossiya Federatsiyasining Moskva Tibbiyot akademiyasining ilmiy kengashida “Kontrol kachestva, standartizatsiya i ximiko-toxikologicheskoe issledovanie furosemida” mavzusida nomzodlik dissertatsiyasini himoya qildi. 1995-1996 yillarda “Abu Ali Ibn Sino va Tabobat” firmasida etakchi mutahassis, 1999 yildan Toksikologik kimyo kafedrasida katta o‘qituvchi va dotsent lavozimlarida ishlagan. 2005-2008 yillarda shu kafedrada doktoranturaga kirib, “Diuretik dori vositalarning kimyo toksikologik tadqiqotlari” mavzusi bo‘yicha DSi doktorlik dissertatsiyasini himoya qildi. Muallif 100 dan ortiq ilmiy nashrlar, jumladan, farmatsevtik kimyo hamda toksikologik kimyo fanlari bo‘yicha monografiyalar, o‘quv-uslubiy tavsiyalar va qo‘llanmalar muallifi, O'zR Prezidentining "Iste'dod" grant sohibi. Xorijdagi, jumladan Yaponiya, Germaniya, Belgiya, Portugaliyadagi ilmiy seminar va konferensiyalar ishtirokchisi. 2011-2016 yillarda Toshkent farmatsevtika institutining Ilmiy kengash kotibi, hamda SSV qoshidagi Etika Qo'mitasining ilmiy kotibi bo'lib ishlagan. Hozirda ALFRAGANUS UNIVERSITETI Tibbiyot fakulteti farmatsevtika va kimyo kafedrasi professori.