Saitov Suxrob Djumaydillayevich — 1989-yil 18-martda Surxondaryo viloyati, Denov tumani, Shahrinav mahallasida tugʻilgan. 2007-yili 36-umumiy o‘rta maktabni a'lo baholar bilan tamomlagan. 2007-2011- yillarda Samarqand davlat chet tillari instituti ingliz filologiyasi fakulteti talabasi; 2012-2013-yillarda Samarqand tuman agro-sanoat kasb-hunar kolleji ingliz tili o‘qituvchisi; 2020–2022-yillarda Samarqand davlat chet tillari instituti magistranti; 2020-2021-yillarda Denov tadbirkorlik va pedagogika instituti xorijiy til va adabiyoti kafedrasi o‘qituvchisi; 2021–2022-yillarda Denov tadbirkorlik va pedagogika instituti Xalqaro aloqalar bo‘lim boshlig‘i; 2022–2025-yillarda Denov tadbirkorlik va pedagogika instituti Sirtqi (maxsus sirtqi) bo‘lim Dekani lavozimlarida ishlagan. Filologiya fanlari bo‘yicha falsafa doktori (PhD) Saitov Suxrob Djumaydillayevich 2025-yildan Denov tadbirkorlik va pedagogika instituti Registrator Ofisi, Xizmat ko‘rsatish bo‘limi (Front Office) bo‘lim boshlig‘i, lavozimida ishlab kelmoqda. Saitov Suxrob Djumaydillayevich ish faoliyati davrida: 2022-2023-yillarda Turkiyaning Izmir shahrida “Industriyada texnologik tizimlar va muxandislik ta'limi: tendensiyalar va istiqbollar” mavzusidagi Turkiya-O‘zbekiston Oliy ta'lim muassasalari forumida qatnashib Turkiyaning 7 ta nufuzli Oliy ta'limi bilan xalqaro hamkorlikni yo‘lga qo‘ygan; 2023-2024-yillarda Hindistonning ITEC Programme on Entrepreneurship For Small Business –Trainers and Promoters, (NIESBUD) malaka oshirish institutida malaka oshirib kelgan; 2024-2025 - yillarda Indoneziyaning PENDIDIKAN (TA'LIM) universitetining “International Academic Partnership Training and Practices” yo‘nalishida malaka oshirgan. 2025-yil 27-mart kuni Buxoro davlat universitetida "O.Genri ijodi va oʻzbek hikoyachiligida insoniy taqdirlar, shaxs va jamiyat munosabatlaridagi mushtaraklik" mavzusidagi filologiya fanlari boʻyicha falsafa doktori (PhD) dissertatsiyasini muvaffaqiyatli himoya qilgan. Saitov Suxrob Djumaydillayevich tomonidan Shu kungacha 1 ta monografiya, 40 dan ziyod ilmiy ishlari xorijiy hamda Respublika ilmiy jurnallari va anjumanlarida maqola, tezislar sifatida chop qilingan.