Saparniyazova Muyassar – 1966- yil Xorazm viloyatida tug‘ilgan, millati- o‘zbek, filologiya fanlari doktori (DSc), dotsent. 1991-yildan 2016-yilgacha Nizomiy nomidagi Toshkent davlat pedagogika universitetida ishlagan. Shu universitetning O‘zbek tilshunosligi kafedrasida assistent-o‘qituvchi (1991-1999-yy), katta o‘qituvchi (2000-2005-yy.), kafedra dotsenti (2006-2010-yy.); kafedra mudiri (2010-2015-yy.); O‘zbek tili va uni o‘qitish metodikasi kafedrasi dotsenti (2015-y.) lavozimlarida ishlagan. 2016-yildan Toshkent davlat o‘zbek tili va adabiyoti universitetida faoliyat ko‘rsatadi: O‘zbek tilshunosligi kafedrasi dotsenti (2016-2018 yy.); universitet huzuridagi O‘zR Qurolli kuchlari tarbiyaviy va mafkuraviy ishlar organi ofitserlarining malaka oshirish kursi rahbari (2018-2020-yy.); 2020-2023- yillarda O‘zga tilli guruhlarda o‘zbek tili ta’limi kafedrasi dotsenti lavozimlarida ishlagan. 2023-yil sentabridan Alfraganus universitetida ishlab kelmoqda. M.Saparniyazovaning 170dan ortiq ilmiy maqolalari respublika hamda xorij ilmiy nashrlarida chop qilingan, 4ta monografiya, 20dan ortiq o‘quv va o‘quv-uslubiy qo‘llanmalar muallifi. Saparniyazova Muyassar “O‘zbek tilida ergonimlarning struktur-semantik, lingvomadaniy va pragmatik xususiyatlari” mavzusida 10.00.01 – O‘zbek tili ixtisosligida filologiya fanlari doktori (DSc) ilmiy darajasini olish uchun dissertatsiyasini himoya qilgan.