Sunatov Dilshod Hoshimovich 1988 yil 28 sentabrda Qashqadaryo viloyati Kasbi tumanida tug‘ilgan. 2004 yilda Qashqadaryo viloyati Kasbi tumani 26-son umumiy o‘rta maktabining 9 sinifini, 2006 yilda Qarshi davlat universiteti qoshidagi litsey-internatni tugatgan. Ma’lumoti oliy, 2011 yilda Qarshi davlat universitetining “Milliy g‘oya, ma’naviyat asoslari va huquq ta’limi” yo‘nalishining bakalavriyat bosqichini, 2014 yilda Mirzo Ulug‘bek nomidagi O‘zbekiston Milliy universitetining “Etika va estetika” mutaxassiligi bo‘yicha magistratura bosqichini tamomlagan. 2022 yilda PhD dissertatsiyasini himoya qildi. Mehnat faoliyatini 2011-2012 yy. Qashqadaryo viloyati Qarshi san’at kolleji o‘qituvchisi lavozimida ishlashdan boshlagan. 2014-yildan 2022 yilga qadar Qarshi davlat universiteti “Milliy g‘oya, ma’naviyat asoslari” kafedrasi o‘qtituvchisi, 2022 yildan hozirgi vaqtga qadar kafedra v.b. dotsenti lavozimida ishlab kelmoqda.