1970 yil 17 fevralda Jizzax viloyatida tug‘ilgan. 1988-1993 yillarda Toshkent davlat pedagogika universitetining Defektologiya fakultetida tahsil olgan. 1995-2008 yillar – Jizzax viloyati Ichki ishlar boshqarmasiga qarashli maktabgacha ta’lim tashkilotida logoped-tarbiyachi vazifasida ishlagan. 2008-2011 yillar - Jizzax davlat pedagogika instituti defektologiya kafedrasi o‘qituvchisi lavozimida ishlagan. 2012-2013 yy. - Jizzax davlat pedagogika instituti defektologiya kafedrasi mudiri vazifasini bajaruvchi vazifasida. 2014-2016 yillar - Jizzax davlat pedagogika instituti defektologiya kafedrasi katta o‘qituvchisi lavozimida ishlagan. 2017 yil noyabr oyidan hozirgi kungacha Jizzax davlat pedagogika universiteti Maxsus pedagogika kafedrasi katta o‘qituvchisi, 2023yil “Innovatsion texnologiyalar asosida maktabgacha logopediya fanini o‘qitish metodikasini takomillashtirish” mavzusidagi 13.00.03 – Maxsus pedagogika ixtisosligida pedagogika fanlari bo‘yicha falsafa doktori (PhD) ilmiy darajasini olish uchun dissertatsiya himoya qilgan va hozirda dotsent lavozimida ishlab kelmoqda. Muzaffarova Xayitgul Nesibovna tomonidan 2ta o‘quv qo‘llanma, 4ta uslubiy qo‘llanma, 2ta monografiya, 60 ga yaqin maqolalar chop etilgan. Jamoa ishlarida faol, “Ilm fan sohasidagi xizmatlari uchun” ko‘krak nishoni bilan taqdirlangan. Bundan tashqari Jizzax davlat pedagogika universiteti tomonidan bir necha bor faxriy yorliqlar bilan taqdirlangan. Muzaffarova Xayitgul Nesibovna oilali, uch nafar farzandi bor.