Umida Yoziyeva 1983 yil 10 iyulda Qarshi shahrida dunyoga kelgan. Oliy ma’lumotli. 2004 yilda Qarshi davlat universitetining bakalavrni tamomlab, 2003 yilda Navoiy nomidagi davlat stipendiyasi sohibasi bo‘lgan va 2004 yilda magistraturaga imtiyoz asosida qabul qilingan. 2006 yilda magistraturani tugatgan. Mehnat faoliyatini 2006 yilda Qarshi davlat universitetining boshlang‘ich ta’lim kafedrasida assistent-o‘qituvchi vazifasidan boshlagan. 2009 yildan Qarshi Davlat universiteti aspiranturasida tahsil olib, 2012-2019 yillarda Boshlang‘ich ta’lim kafedrasida assistent-o‘qituvchi, katta o‘qituvchi lavozimlarida faoliyat yuritgan. 2020-2021 yillarda universitetning Pedagogika fakultetida dekan o‘rin bosari vazifasida, 2021 yildan buyon magistratura bo‘limi boshlig’i vazifasida ishlab kelmoqda. 2018 yilda Nukus davlat pedagogika instituti, Qoraqalpoq davlat universiteti, Urganch davlat universiteti huzuridagi ilmiy darajalar beruvchi ilmiy kengashda R.Shodiyev rahbarligida “Ta’lim-tarbiya jarayonida o‘quvchilarni zararli axborotlar tahdididan himoya qilishning takomillashtirilgan texnologiyasi (boshlang‘ich ta’lim misolida)” mavzusidagi dissertatsiyasini himoya qilib pedagogika fanlari bo‘yicha falsafa doktori ilmiy darajasini oldi. 2021 yilda dotsent ilmiy unvoniga ega bo‘ldi. Hozirda professor R.Shodiyev rahbarligida “O‘quvchilarda vertual addeksiya profilaktikasi asosida axborot kompetensiyasini shakllantirish nazariyasi va metodikasi” mavzusida izlanishlar olib bormoqda. U.Yoziyeva tomonidan 1 ta darslik, 2 ta o‘quv qo‘llanma, 1 ta monografiya, 3 ta uslubiy qo‘llanma nashr ettirdi. Uning 50 dan ortiq ilmiy maqola va tezislari Respublikamiz jurnallarida hamda ilmiy-amaliy konferensiyalari metriallari to‘plamlarida nashr etildi. Jumladan, ilmiy 50 ga yaqin ilmiy maqolalari Respublikamiz jurnallarida hamda Amerika Qo‘shma Shtatlari, Vengriya, Rossiya Federatsiyasi va Turkiya jurnallarida e’lon qilingan.