ORIPOVA NODIMA XALILOVNA Pedagogika fanlari doktori, professor Nodima Xalilovna 1973 yil 21- noyabrda Koson tumani qarashli Neko‘z qishlog‘ida dunyoga kelgan. Oliy ma’lumotli. 1994 yilda Qarshi davlat universitetining Pedagogika fakultetini tugatgan. Pedagogika fanlari doktoi, professor v/b. 2023 yil 28-dekabrda “Variativ modellashtirish asosida talabalar pedagogik e’tiqodini shakllantirish nazariyasini tizimlashtirish (boshlang‘ich ta’lim ixtisosligi misolida)” mavzusidagi (DSc) doktorlik dissertatsiyasini muvaffaqiyatli himoya qildi. U hozirgi kunlarda Qarshi davlat universitetining Maktabgacha ta’lim kafedrasi mudiri lavozimida faoliyat olib bormoqda. N.Oripova 200 dan ortiq ilmiy maqola va o‘quv-uslubiy qo‘llanmalar muallifi. Turkiya, Amerika, Rossiya va boshqa mamlakatlar hamda “Scopus” va “Web of scince” xalqaro ma’lumotlar bazasiga kiruvchi ilmiy jurnallarda 10 dan ortiq maqolalari e’lon qilingan. 1 ta darslik, 2 ta o‘quv qo‘llanma va 2 ta monografiyasi nashr etilgan. U pedagogik faoliyati davomida ta’lim jarayonini zamonaviylashtirish, ma’naviy-tarbiyaviy ishlarni modernizatsiyalash, ilmiy izlanishlarga innovatsion tus berish, talabalar va professor o‘qituvchilar o‘rtasida o‘zaro hurmatga asoslangan sog‘lom psixologik muhitni yaratish, iqtidorli talabalarni qo‘llab-quvvatlash hamda fan, ta’lim va ishlab chiqarish o‘rtasidagi integratsiyani yo‘lga qo‘yish singari qator muammolarni hal etishda ishtirok etib kelmoqda. N. Oripova rahbarligida 1 nafar iqtidorli talaba 2014 yilda Pedagogika yo‘nalishi bo‘yicha Respublika olimpiadasi g‘olibligini qo‘lga kiritgan bo‘lsa, 2022 yilda 1 nafar talaba Islom Karimov nomidagi davlat stipediyasi sovrindori bo‘ldi. N. Oripovaning Qashqadaryo viloyatidagi maktabgacha ta’lim tizimini rivojlantirish borasidagi izlanishlari va xizmatlari nafaqat respublikamizda, balki chet ellik hamkasblari orasida ham e’tiborga molik. N. Oripova Maktabgacha ta’lim kafedrasining mudiri sifatida kafedrada tayyorlanayotgan magistr va doktorantlarning ilmiy salohiyati va sifatini ko‘tarishda maktabgacha ta’lim va tarbiya nazariyasi va metodikasi ixtisosligi bo‘yicha tayanch doktarantura tashkil etib, ular uchun doimiy faoliyat yuritadigan ilmiy seminarga rahbarlik qilib kelmoqda. 2023 yil dekabr oyida N. Oripova rahbarligida 1 nafar mustaqil tadqiqotchi nomzodlik dissertatsiyasini himoya qilib, PhD diplomini qo‘lga kiritdi, 2 nafar doktorant, 3 nafar tadqiqotchilar esa maktabgacha ta’limning dolzarb muammolari ustida ilmiy izlanishlar olib bormoqdalar. O‘zbekiston Respublikasi Vazirlar Mahkamasi huzuridagi Oliy attestatsiya komissiyasi qoshida tashkil etilgan ta’lim va tarbiya nazariyasi va metodikasi yo‘nalishi bo‘yicha Ilmiy kengash a’zosi sifatida faoliyat yuritib kelmoqda. Nodima Oripova 2014-2015 yillar ITD–1. Jamiyatni ma’naviy–axloqiy va madaniy rivojlanishi, ma’naviy qadriyatlar, milliy g‘oya, madaniy meros, o‘zbek xalqi va davlatchilik tarixini hamda ta’limning uzviylik va uzluksizligini, barkamol avlod tarbiyasini tadqiq etish. A-1-173 “Yoshlarni umummilliy qadriyatlarimizga xos tarbiyasini shakllantirish texnologiyasi va metodikasini ishlab chiqish” mavzusidagi grantning asosiy ijrochilaridan biri sifatida faoliyat olib bordi. U oilali, 4 nafar farzandning mehribon onasi.