1. Vardiyashvili Afdandil Asqarovich, 1973 yilda tug‘ilgan, millati – ozarboyjon. 2. 1995 yilda Toshkent davlat universiteti (Hozirgi O‘zbekiston milliy universiteti)ning fizika fakultetini “Fizika” ixtisosligi bo‘yicha “imtiyozli” diplom bilan tamomlagan. 3. Texnika fanlari nomzodi, dotsent. 4.Texnika fanlari nomzodi ilmiy darajasini olish uchun yozilgan “Issledovaniye teploenergiticheskoy effektivnosti i teplomasoobmennix protsessov v gelioteplitsax s ispolzavaniyem teplovix otxodov” mavzusidagi Dissertatsiya ishini 2009 yil 29 dekabrda O‘zbekiston Respublikasi Fanlar Akademiyasi, Fizika-texnika instituti qoshidagi D.015.08.01 raqamli ixtisoslashgan Kengash yig‘ilishida 05.14.05-Issiqlik texnikasi nazariy asoslari va 05.14.06-“Qayta tiklanadigan energiya turlari asosida energiya qurilmalari” ixtisosliklari bo‘yicha muvaffaqiyatli himoya qilgan (diplom 01№011805). O‘zbekiston Respublikasi Oliy attestatsiya komissiyasi rayosatining 30 aprel 2014 yildagi 205/1-sonli bayonnomasiga binoan dotsent ilmiy unvonini olgan (diplom 03№007211). 5. Umumiy ish staji - 28 yil. Ilmiy va pedagogik ish staji - 23 yil. Oliy o‘quv yurtidagi pedagogik staji – 23 yil. 2014 yil 2 dekabrdan buyon kafedra mudiri lavozimida ishlab kelmoqda. 1990-1995 yy.- Toshkent davlat universiteti fizika fakulteti talabasi 1995-2009 yy.-Qarshi davlat universiteti issiqlik fizikasi va energetikasi kafedrasi o‘qituvchisi 2009-2011 yy.-Qarshi davlat universiteti issiqlik fizikasi va energetikasi kafedrasi katta o‘qituvchisi 2011-2012 yy.-Qarshi davlat universiteti issiqlik fizikasi va energetikasi kafedrasi dotsenti 2012-2014 yy.-Qarshi davlat universiteti issiqlik fizikasi va energetikasi kafedrasi mudiri 2014-2014 yy.-Qarshi davlat universiteti energetika kafedrasi dotsenti 2014-2020 yy.-Qarshi davlat universiteti kasbiy ta’lim kafedrasi mudiri (buyruq №357/X, 02.12.2014 yil) 2020-2021 yy-Qarshi davlat universiteti kasbiy ta’lim kafedrasi mudiri vazifasini bajaruvchi 2021-y. h.v. - Qarshi davlat universitetining Muqobil va qayta tiklanuvi energiya manbalari kafedrasi mudiri 6. Olib borayotgan asosiy kurslari: O‘zbekiston Respublikasi Prezidentining 2020 yil 9 apreldagi «O‘zbekiston Respublikasida qayta tiklanuvchi va vodorod energetikasini rivojlantirish chora-tadbirlari to‘g‘risida»gi PQ-5063-son Qarorining ijrosini ta’minlash maqsadida Qarshi davlat universiteti “Muqobil va qayta tiklanuvchi energiya manbalari” kafedrasi tasarrufida 2020/2021 o‘quv yilidan boshlab 60711000 – Muqobil energiya manbalari (turlari bo‘yicha) bo‘yicha talabalar qabul qilindi. A.A. Vardiyashvili 60711000 – Muqobil energiya manbalari (turlari bo‘yicha) bakalavr ta’lim yo‘nalishi va 70530904 – “Qayta tiklanuvchi energiya manbalari va barqaror atof-muhit fizikasi” magistratura mutaxassisligida “Quyosh energiyasini rivojlantirish istiqbollari”, “Fotoelektr batareyalar va qurilmalarni tayyorlash texnologiyalari”, “Qayta tiklanuvchi energiya manbalari”, “Quyosh energiyasining fizikaviy asoslari” va “Fotovoltaikaning fizik asoslari” fanlaridan dars mashg‘ulotlarini yuqori ilmiy-uslubiy saviyada, zamonaviy o‘qitish usulari, pedagogik va ahborot-kommunikatsion texnologiyalari, multimedia va boshqa texnik resurslaridan foydalagan holda – ma’ruzalar, master-klass, ochiq ma’ruza shakllarida o‘tadi, bir necha yillardan buyon magistrlarning magistrlik dissertatsiyasiga hamda talabalarning kurs ishlariga hamda malakaviy amaliyotlariga rahbarlik qilib kelmoqda. Joriy o‘quv yilidagi yuklama soatlari hajmi: 690 soat. Shundan: 138 soat ma’ruza, 162 soat amaliy mashg‘ulot, 40 soat laboratoriya mashg‘ulotlari, 87 soat kurs ishi, 100 soat magistrlik dissertatsiyasi ilmiy pedogogik ishlariga ilmiy rahbarlik, 10 soat yakuniy davlat attestatsiya komissiyasida ishlash. A.A. Vardiyashvili muallifligida zamonaviy pedagogik texnologiyalar va ilg‘or texnika yutuqlaridan foydalangan holda “Quyosh energiyasini rivojlantirish istiqbollari”, “Fotoelektr batareyalar va qurilmalarni tayyorlash texnologiyalari”, “Qayta tiklanuvchi energiya manbalari”, “Quyosh energiyasining fizikaviy asoslari” va “Fotovoltaikaning fizik asoslari” fanlaridan namunaviy o‘quv dasturlari va o‘quv-uslubiy majmualari ishlab chiqilgan, universitet Kengashida tasdiqlangan va o‘quv jarayonida muvaffaqiyatli foydalanilib kelinmoqda. Mashg‘ulotlarni olib borishning interfaol usullaridan keng foydalanadi: “Juftlikda ishlash”, “Aqliy xujum”, “Karusel”, “Kichik guruhlarda ishlash”, “O‘z nomimdan so‘zlayman”, “Munozara”, “Debatlar” kabi usullarni mashg‘ulot turiga qarab qo‘llab keladi. Fanlarni talabalarga tushuntirishda va ularning mustaqil ishlarini tashkil etishda «Klaster», «Aqliy hujum», «Keys-stadi» va boshqa pedagogik texnologiyalardan foydalanadi. Talabalarning o‘quv-tarbiya faoliyatini, pedagogik va ishlab chiqarish amaliyotlarini samarali tashkil etadi, mustaqil ishlash ko‘nikmalarini hosil qilish uchun mashqlar olib boradi. Dots. A.A. Vardiyashvili 2019 yil mart oyida TDTU huzuridagi “Qayta tiklanuvchi energiya manbalari” yo‘nalishida (2019 yil 10 martdagi №0012-sonli sertifikat) va 2022 yil may oyida Bosh ilmiy-metodik markazda “Ta’lim sifati menejmenti” yo‘nalishida malakasini oshirgan (2022 yil 31 maydagi MA №042661-sonli sertifikat). 2019 yil avgust oyida Germaniyadagi Berlin texnika universitetida “Development of Master Programme in Renewable Energy sources and Sustainable Environment/RENES” yo‘nalishida malaka oshirgan. 2023 yil yanvar oyida Alisher Navoiy nomidagi Toshkent davlat o‘zbek tili va adabiyoti universiteti huzuridagi Davlat tilida ish yuritish asoslarini o‘qitish va malaka oshirish markazida “O‘zbek adabiy tili meyorlari va davlat tilida ish yuritish kursi”da malaka oshirgan (MO №019883-sonli sertifikat). A.A. Vardiyashvili ilmiy-uslubiy faoliyat sohasida qator ishlarni amalga oshirmoqda. 2012 yildan buyon kafedra iqtidorli talabalariga ilmiy rahbarlik qilib kelmoqda. U tayyorlagan talabalar respublika miqyosidagi olimpiadalarda qatnashib o‘z bilim va malakasini oshirib kelmokdalar. Jumladan, 60711000 – Muqobil energiya manbalari (turlari bo‘yicha) bakalavr ta’lim yo‘nalishi 020-149 guruh talabasi Oloviddinov Saidkabir Muxammad Yaxiye o‘g‘li 2021 yil 6-7 iyun kunlari Toshkent shahrida bo‘lib o‘tgan Muqobil energiya manbalaridan foydalanishning ilmiy asoslari fanidan Respublika fan olimpiadasida o‘rin egalladi va diplom bilan taqdirlandi (diplom nusxasi ilova qilinadi). A.A. Vardiyashvili universitet va fakultet miqyosida o‘tkazilgan ma’naviy-ma’rifiy tadbirlarda faol qatnashib kelmoqda. Jumladan, talabalarning bo‘sh vaqtlarini mazmunli tashkil etish bo‘yicha 2022 yil dekabr oyida QarDU №6-sonli talabalar turar joyida O‘zbekiston Respublikasi davlat ramzi bayroq qabul qilingan kuniga bag‘ishlangan, 22 dekabr – Energetiklar kuniga bag‘ishlangan tadbirlar o‘tkazgan. Bundan tashqari, yoshlarga oid davlat siyosati ijrosini universitet tomonidan samarali amalga oshirilishini ta’minlash maqsadida tashkil etilgan «Ochiq muloqotlar oyligi» doirasida kafedra talaba-yoshlari bilan muntazam uchrashuvlar o‘tkazib kelmoqda. O‘zbekiston Respublikasi Prezidenti tomonidan ilgari surilgan beshta muhim tashabbus doirasidagi tadbirlar A.A. Vardiyashvili ishtirokida tashkil etilib o‘tkazilgan, talabalar orasida har yili shaxmat bo‘yicha sport musobaqalari uyushtirib kelmoqda, “Zukko kitobxon”, “Xotira-abadiy, qadr muqaddas”, “Futbol bo‘yicha kafedra kubogi” kabi tadbirlar shular jumlasidandir. Bundan tashqari, universitet va ishlab chiqarish tashkilotlari o‘rtasidagi hamkorlikni rivojlantirish ishlarida ham faol ishtirok etib kelmoqda. A.A. Vardiyashvili o‘quv adabiyotlarining yangi avlodini yaratishda faol ishtirok etib kelmoqda, jumladan davogarning yakka muallifligida 2022 yili 60710500 – Energetika (issiqlik energetikasi) ta’lim yo‘nalishi talabalari uchun “Qayta tiklanuvchi energiya manbalari” nomli darslik va 2023 yili 70530904 – “Qayta tiklanuvchi energiya manbalari va barqaror atof-muhit fizikasi” magistratura mutaxassisligi uchun “Qayta tiklanuvchi energiya manbalari (laboratoriya)” o‘quv qo‘llanmasi tayyorlanib Oliy ta’lim, fan va innovatsiyalar vazirligining guvohnomasi olingan, shuningdek “Noan’anaviy va qayta tiklanadigan energiya manbalaridan foydalanishda energiya tejamkorlik” o‘quv-uslubiy qo‘llanmasi o‘quv jarayonida foydalanib kelinmoqda. A.A. Vardiyashvili “Razrabotka i issledovaniya mnogofunksionalnix energoeffektnix geliotexnicheskix kompleksov s ispolzovaniyem energeticheskix otxodov” (Monografiya. Nasaf nashriyeti. 2013 y., 9,56 b.t.), “Solnechniy selskiy dom gelioteplitsoy” (Monografiya. Nasaf nashriyeti. 2017 y., 6,9 b.t.) nomli 2 ta monografiya muallifi hisoblanadi. Bitta foydali modelga patent (№ FAP 00683 “O‘simlik mahsulotlarini saqlash va yetishtirish uchun tejamkor uyg‘unlashgan qurilma”. 23.12.2011 yil.) olingan. A.A.Vardiyashvili mehnatsevar, qat’iyatli, ilmiy salohiyati yuqori pedagog va o‘ziga talabchan shaxs sifatida universitet rahbariyati, professor-o‘qituvchilar jamoasi va talabalar orasida hurmat qozongan. O‘qitilayotgan fanlari tavsiya etilayotgan ilmiy unvon – 05.05.06–“Qayta tiklanadigan energiya manbalari asosidagi energiya qurilmalari” ixtisosligiga mos keladi. 7. A.A.Vardiyashvili ilmiy rahbarligida Qarshi davlat universitetida 35 nafar bakalavr bitiruv malakaviy ishini, 15 nafar magistrant magistrlik dissertatsiyasini va 1 nafar (Davronov Sh.R., 2022 yil) talabgor texnika fanlari bo‘yicha falsafa doktori (PhD) ilmiy darajasini muvaffaqiyatli himoya qilgan.