Madaliyev Akmaljon Maxammadjonovich 1986-yil 9-martda Farg‘ona viloyati Buvayda tumanida tavallud topgan. Millati – o‘zbek. 2004-yilda Buvayda tumanidagi 22-o‘rta maktabni tamomlagan. 2005-yilda Qo‘qon davlat pedagogika instituti Fizika va astronomiya ta’lim yo‘nalishiga davlat granti asosida o‘qishga qabul qilinib, 2009-yil a’lo baholar bilan tamomlagan. 2009-2011-yillarda O‘zbekiston Milliy universitetida Fizika fakultetining Lazer fizikasi yo‘nalishi bo‘yicha magistraturani tamomlagan. 2011-2012-o‘quv yilida Buvayda pedagogika kollejida o‘qituvchi, 2012-yildan boshlab hozirgi kunga qadar Qo‘qon davlat pedagogika instituti “Fizika va astronomiya” kafedrasida o‘qituvchi lavozimida faoliyat olib bormoqda. U o‘qish va mehnat jarayonida ko‘plab yutuqlarga erishgan, jumladan, talabalik yillarida fizika fanidan O‘zbekiston Respublikasi talabalar fan olimpiadasida muntazam qatnashib kelgan. Oilali. 2 nafar farzandning otasi