Pedagogika fanlari boʻyicha falsafa doktori (PhD) E.Xujanov 1989-yil 16-martda Surxondaryo viloyati Qiziriq tumanida tugʻilgan. 2012 yilda Toshkent viloyati davlat pedagogika instituti bakalavriatni, 2014-yilda esa Nizomiy nomidagi Toshkent davlat pedagogika universiteti magistraturani tamomlagan. 2014-yilda magistraturani bitirgach Nizomiy nomidagi TDPU ning “Fizika va astronomiya o‘qitish metodikasi” kafedrasiga o‘qituvchi lavozimiga ishga qabul qilindi. E.Xujanov jami 60 dan ortiq tezislar, maqolalar, uslubiy ishlanmalar va 2 ta o‘quv qo‘llanma muallifi. Nufuzli Xalqaro va Respublika jurnallarida 16 ta ilmiy maqolasi chop etilgan. ITD-A-1-26 “Uzluksiz ta’lim tizimida fizika o‘qitishni ehtimoliy-statistik g‘oya va tushunchalarni shakllantirish asosida takomillashtirish va o‘quv qo‘llanma yaratish” (2015-2017) mavzusidagi grant loyixasi ishtirokchisi. Profeesor M.Djorayev rahbarligida 2020-yilda “Umumiy o‘rta ta'lim maktab o‘quvchilarida fizik tushunchalarni statistik metod asosida shakllantirish” mavzusidagi falsafa doktori dissertatsiyasini muvaffaqiyatli himoya qilib, pedagogika fanlari bo‘yicha falsafa doktori (PhD) ilmiy darajasiga, 2022 yilda esa dotsent ilmiy unvoniga ega bo‘ldi. Xozirgi kunda kafedrada bakalavriyat va magistratura talabalarining BMI va magistrlik dissertatsiyalariga rahbarlik qilib kelmoqda. Shuningdek, E.Xujanov 9-sinf Fizika, 1-sinf yangi Tabiiy fanlar (Science), 2-sinf yangi Tabiiy fanlar (Science) darsliklarida taqrizchi, Milliy o‘quv dasturi mualliflarda a’zo, O‘zbekiston Respublikasi Oliy Majlisi senatining Fan, ta’lim va sog‘liqni saqlash masalalari qo‘mitasi Ekspert guruhi a’zosi hisoblanadi. Bugungi kunda Nizomiy nomidagi TDPU Fizika va uni oʻqitish metodikasi kafedrasi mudiri lavozimida faoliyat yuritadi.