Adhamjon Azimboevich Ashirov1972 yil 11 noyabrda Namangan viloyati Kosonsoy tumani Rovot qishlog‘ida tug‘ilgan. O‘rta maktabni a'lo baholarga yakunlab, 1991-1996 yillar Nizomiy nomidagi TDPI (hozirgi TDPU) tarix fakul'tetida o‘qigan. 1997 -2000 yillarda Tarix instituti aspiranti, 2000-2002 yillarda institut ilmiy kotibi, 2002-2005 yillarda doktorant, 2005- yil 1- apreldan to 2010 yil 4 yanvarga qadar Tarix instituti ilmiy ishlar bo‘yicha direktor o‘rinbosari bo‘lib ishlagan. U 2010 yil yanvardan 2020 yilgacha "Etnologiya" bo‘limi boshligi, 2020 yildan to hozirgi kunga qadar "Etnologiya va antropologiya" markazi rahbari bo'lib faoliyat olib boradi. Elshunos olim 2000-yil nomzodlik, 2008 - yil doktorlik dissertasiyalarini himoya qilgan. 2011 yil katta ilmiy xodim, 2013 yil professor ilmiy unvonlarini olgan. Adhamjon Ashirov 200 dan ortiq tadqiqotlar, jumladan, 3 ta monografiya, 2 ta o‘quv qo‘llanma, 2 ta risola va Respublika hamda xorijiy ilmiy nashrlarda 185 ta ilmiy-ommabop maqolalar muallifidir. Shuningdek, uning 30 ta maqolasigi Italiya, Yaponiya, Koreya, Rossiya, Xitoy, Qozog‘iston kabi xorijiy mamlakatlarda chop qilingan.