1993-yil 26-avgustda Farg‘ona viloyati, Dang‘ara tumanida tug‘ilgan. Millati – o‘zbek. Abduraxmonova Olmosxon Ilxomjon qizi 2000-2008-yillarda Dang‘ara tumanidagi 16-umumiy o‘rta ta’lim maktabida, 2008-2010-yillarda Furqat tumanidagi 27-umumiy o‘rta ta’lim maktabida, 2010-2014-yillarda Qo‘qon davlat pedagogika instituti Filologiya fakul’teti O‘zbek tili va adabiyoti yo‘nalishida, 2014-2016-yillarda Qo‘qon davlat pedagogika institutida 5A111201 – O‘zbek tili va adabiyoti magistratura mutaxassisligi bo‘yicha tahsil olgan. 2016-2017-yillar Qo‘qon davlat pedagogika instituti o‘zbek adabiyoti kafedrasi o‘qituvchi-stajyori sifatida faoliyat yuritgan. 2019-yil yanvar oyidan Qo‘qon davlat pedagogika instituti O‘zbek adabiyoti kafedrasining tayanch doktoranturasiga qabul qilingan. Abduraxmonova Olmosxon Ilxomjon qizi 2021-yil 12-noyabrda Toshkent davlat o‘zbek tili va adabiyoti universiteti huzuridagi Dsc.03/30.12.2019.Fil.19.01 raqamli Ilmiy kengashda “Nishotiy munozaralarining matniy tahlili” mavzusidagi 10.00.10 – Matnshunoslik va adabiy manbashunoslik ixtisosligi bo‘yicha falsafa doktori (PhD) ilmiy darajasini olish uchun taqdim etgan dissertatsiyasini muvaffaqiyatli himoya qildi. 2022 yildan institut katta o‘qituvchisi, 2023 yildan esa dotsent lavozimlarida ishlab kelmoqda. Nishotiy asarlariga oid mavjud qo‘lyozma manbalar doirasini muayyanlashtirish, ularning qiyosiy tahlilini amalga oshirish, mavjud nusxalar orasidan mo‘tabar va tayanch nusxalarini ajratib olish, Nishotiy adabiy merosini, xususan, “Husn-u Dil” dostonining tanqidiy matnini yaratish borasidagi ilmiy ishini davom ettirish maqsadida “Nishotiyning “Husn-u Dil” dostoni matniy tahlili va uning tanqidiy matnini yaratish” mavzusida ilmiy tadqiqot (DcS) olib bormoqda. Hozirda Qo‘qon davlat pedagogika instituti o‘zbek tili va adabiyoti fakul’tetining o‘zbek adabiyoti kafedrasida o‘qituvchi lavozimida ishlab kelmoqda. Bugunga qadar Abduraxmonova Olmosxon Ilxomjon qizining O‘zbekiston Respublikasi Oliy attestatsiya komissiyasi tomonidan tavsiya etilgan ilmiy jurnallarda, respublika va xorijiy jurnallarda 50 dan ziyod ilmiy, ilmiy-uslubiy maqolalari nashr etilgan. Teleradiokompaniyalarda turli ilmiy ko‘rsatuvlarida turli chiqishlar qilgan. Abduraxmonova Olmosxon Ilxomjon qizi oilali.