Jalilov Fazliddin Sodiqovich – farmatsevtika va kimyo fanlari doktori(DSc), professor. 2004 yilda Toshkent farmatsevtika institutini imtiyozli diplom bilan tamomladi. 2005-2008 yillarda mazkur institutning toksikologik kimyo kafedrasida stajer-tadqiqotchi bo‘lib mexnat faoliyatini olib bordi. 2008 yilda Toshkent farmatsevtika institutining aspiranturasini tugatib, toksikologik kimyo kafedrasida assistent bo‘lib ishladi. 2008 yilda “Sud-kimyo amaliyoti uchun geksamidinni biologik ashyoviy dalillardan ajratib olish va tahlil usullarini yaratish” mavzusida nomzodlik dissertatsiyasini himoya qildi. 2010 yildan Toshkent farmatsevtika instituti katta o‘qituvchi, dotsent, va professor lavozimlarida ishlagan. 2014-217 yillarda shu kafedrada doktoranturaga kirib, “Antidepressant dori vositalari va spayslar modifikatsiyalarining kimyo-toksikologik va biofarmatsevtik xususiyatlari” mavzusi bo‘yicha DSc doktorlik dissertatsiyasini himoya qildi. Muallif 300 dan ortiq ilmiy nashrlar, jumladan, farmatsevtik va kimyo fanlari bo‘yicha monografiyalar, o‘quv-uslubiy tavsiyalar va qo‘llanma va darsliklar muallifi. Xorijdagi, jumladan Italiya, Avstraliya, Yaponiya, Germaniya, Belgiya, Portugaliya, Ukraina, Rossiya, Qozog’iston va boshqa davlatlarda ilmiy seminar va konferensiyalar ishtirokchisi. 2009 yil may oyidan boshlab Xalqaro sud toksikologlar assotsiatsiyasi (TIAFT) aʼzosi. 2015 yilda Italiyaning Florentsiya shahrida Xalqoro sud toksikologlar assotsiatsiyasi 53-anjumanida Oʼzbekistondan ilk yosh toksikolog kimyogar olim sifatida qatnashdi. 2016 yil Аvstraliyaning Birizben shahrida Xalqoro sud toksikologlar assotsiatsiyasi 54-anjumaniga borish uchun TIAFT ning granti sovrindori boʼldi. Oʼzbekiston Respublikasi Vazirlar Mahkamasining 2015-yil 24-fevraldagi 32-son “Oliy taʼlim muassasasining eng yaxshi pedagogi” tanlovi toʼgʼrisidagi qarori ijrosini taʼminlash maqsadida, Oʼzbekiston Respublikasi Oliy va oʼrta maxsus taʼlim vazirining 2015-yil 27-fevraldagi 71-son buyrugʼi asosida oʼtkazilgan tanlovda sogʼliqni saqlash sohasi boʼyicha institut miqyosida “Innovatsiya va axborot texnologiyalarini qoʼllaydigan eng yaxshi pedagog” nominatsiyasida 1-oʼrinni, Respublika miqyosida ham faxrli 1-oʼrin sohibi boʼldi. 2016 yil Oʼzbekiston Kasaba uyushmalari Federatsiyasi Kengashi tomonidan tashkillashtirilgan “Yilning eng faol yosh mutaxassisi” tanlovi asosida Oʼzbekiston Respublikasi Sogʼliqni saqlash vazirligi hamda Oʼzbekiston Sogʼliqni saqlash xodimlari kasaba uyushmasi Respublika Kengashi qoʼshma qarori asosida oʼtkazilgan “Eng faol yosh shifokor” koʼrik tanlovi tarmoq respublika bosqichining “Sogʼliqni saqlash sohasida yosh kimyogar olim” nominatsiyasi gʼolibligini qoʼlga kiritib, diplom bilan taqdirlandi. 2015 yil mart oyidan boshlab Xalqro dori vositalarining terapevtik monitoringi va klinik toksikologlar assotsiatsiyasi Markaziy Osiyodagi yagona aʼzosi hisoblanadi. 2017 yilda Ushbu tashkilotning xalqaro grantini qoʼlga kritib, 24-28 sentyarь kunlari Yaponiyaning Kioto shahrida boʼlib oʼtgan 15-xalqaro kongresida ishtirok etib qaytdi. 2016 yildan Xalqaro muxandislar assotsiatsiyasining aʼzosi. 2023 yilda u IAAR mustaqil akkreditatsiya va reyting agentligining xalqaro eksperti bo'ldi. Hozirda ALFRAGANUS universiteti Tibbiyot fakulteti farmatsevtika va kimyo kafedrasi mudiri.