Zokirov Qurbonalijon G‘aybullo о‘g‘li 1997-yil 18-aprelda Surxondaryo viloyati, Sariosiyo tumanida tug‘ilgan. Millati о‘zbek. Hozirgi kunda Toshkent davlat agrar universiteti doktoranti. Q.Zokirovning ilmiy ishlariga oid 60 dan ortiq ilmiy maqola va tezislari ilmiy jurnal va konferensiyalarda chop etilgan, shulardan 30 dan ortig’i OAK e’tirof etgan va 20 maqolasi yuqori impakt-faktorga ega bо‘lgan, 1 maqolasi Web of science bazasidagi ilmiy jurnallarda nashr etilgan. Shuningdek, hammualliflikda “Biokimyo va molekulyar biologiya (2-qism)” nomli darsligi, “Biologiya о‘qitish metodikasi”, “Polizchilikda amaliy mashg‘ulot”, “Qovunchilikda amaliy mashg‘ulot”, nomli о‘quv qо‘llanmalari, “Malakaviy pedagogik amaliyotni tashkil etish va о‘tkazish” nomli monografiyasi va “Sabzavotchilik”, “Mevali ekinlar seleksiyasi va navshunosligi fanini о‘qitish uslubiyoti”, “Sabzavot ekinlari seleksiyasi, urug‘chiligi va kо‘paytirish usullari fanini о‘qitish uslubiyoti”, nomli uslubiy qо‘llanmalari nashr etilgan. “Sug‘oriladigan yerlarda begona o‘tlarga qarshi gerbitsid qo‘llashning kuzgi bug‘doy hosiliga ta’siri” nomli foydali dasturga DGU guvohnama olgan. 2019-yil О‘zbekiston Respublikasi bakalavrlari uchun ta’sis etilgan Ulug‘bek Davlat stipendiyasi sohibiga aylandi. 2019-yil О‘zbekiston Respublikasi Oliy va о‘rta maxsus ta’lim vazirligi tomonidan о‘tkazilgan “Yil talabasi-2019” Respublika tanlovining “Yilning о‘z mutaxassisligi bо‘yicha eng bilimdon talabasi” nominatsiyasida faxrli 2-о‘rinni egallagan. 2022-yil О‘zbekiston Respublikasi magistr talabalari uchun ta’sis etilgan Prezident Davlat stipendiyasi sohibiga aylandi.