Abstract

Эркинлик антик даврдан то шу кунга қадар файласуфларни қизиқтирган ва уларнинг баҳсмунозараларига, сабаб бўлган мавзулардан саналади. Бу тушунча файласуфлар билан бир. каторда ёзувчи, шоир, жамоат арбоблари, адабиётшунос ва бошқа кўплаб соҳа билимдонларини ўзига жалб этган, Ушбу сўзни, ҳатто, физика, кимё, математика, биология ва шунга ўхшаш аниқ фанларда "жисмларнинг эркин ҳаракати...", "эркин электронлар..." каби терминларни кўплаб учратамиз. Бу эса уни англашимиз учун туртки беради ҳамда шу пайтнинг ўзида мавҳумлаштиради. Чунки эркинлик турлича маъноларда қабул қилинади. Эркинлик ҳиссиёт, восита, ҳаракат, яшаш тарзи, фикр, сўз бўлиши ҳам мумкин. Қизик ҳол шундаки, эркинлик ҳар даврда турлича кўринишда намоён бўлган ва талқин қилинган.