Collection | Published 2019
M a’lumotlar xavfsizligini ta’minlash har doim dolzarb vazifa hisoblangan. M a’lumotlarni ikki xil yo‘l bilan himoyalash mumkin. - Kriptografik - Steganografik. M a’lumot himoyasining dastlabki usullaridan biri bu - kriptografiya sanaladi. Kriptografiya raqamli ma’lumot himoyasini ta’minlashda keng foydalanilayotgan usuldir. Kriptografiyada, xabar jo ‘natuvchi ma’lumotni maxfiy kalit bilan shifrlaydi va shifrlangan ma’lumotni internet tarmog‘i orqali yuboradi. Qabul qiluvchi, shifrlangan ma’lumotni maxfiy kalit bilan deshifrlaydi va ma’lumotga ega bo‘ladi. Ammo, kriptografiyada mahsulot sotuvchi o‘z mahsulotlarini deshifrlangandan keyin monitoring qilish imkoniyatiga ega bo‘lmaydi. Masalan, sotib oluvchi qonuniy ma’lumotni sotib oladi va kalit bilan uni deshifrlaydi. Shundan so‘ng, ochiq matnga ega bo‘ladi va uni noqonuniy tarzda sotish imkoniyatiga ega bo‘ladi. Boshqa so‘z bilan aytganda, kriptografiya ma’lumotlarni almashinish jarayonida xavfsizligini ta’minlay oladi. Buning natijasida, ma’lumotni deshifrlangandan so‘ng ham uni himoyasini ta’minlash muammosi dolzarb bo‘lib qoldi.