Collection | Published 2019
Mamlakatimizda axborot xavfsizligini ta’minlashga doir ko‘p qonun va farmoyishlar qabul qilingan bo‘lib, ular qatorida “Elektron raqamli imzo to‘g‘risida”gi qonun, “Elektron hujjat aylanishi to‘g‘risida”gi qonun, Vazirlar Mahkamasining “Elekron raqamli imzodan foydalanish sohasida normativ huquqiy bazani takomillashtirish to‘g‘risida”gi qarorlari kabi meyoriy hujjatlarni misol qilib keltirishimiz mumkin. Ularning amaliy ijrosi sifatida O‘z DSt 1106:2006 milliy standartini, E-Kalit, E-Xat, E-Hujjat tizimlarini misol qilib keltirishimiz mumkin. Elektron hujjat almashishini amalga oshirishda axborot xavfsizligining mukammal bo‘lishi talab qilinadi. Buning uchun konfidensiallikni ta’minlashda asosan shifrlash algoritmlaridan tuzilgan vositalardan, autentifikatsiya jarayonlarini olib borishda elektron raqamli imzo algoritmlari va ma’lumot butunligini nazorat qilishda xesh funksiyalardan foydalaniladi.