Abstract

Mazkur o‘quv qo‘llanma «5110800–Tasviriy san'at va muhandislik grafikasi» ta'lim yo‘nalishi talabalari uchun mo‘ljallangan bo‘lib, unda amaliy va badiiy bezak san'ati bo‘yicha nazariy va amaliy mashg‘ulotlar yoritilgan. O‘quv qo‘llanmada amaliy va badiiy bezak san'ati haqida dastlabki ma'umotlar, amaliy va badiiy bezak san'ati fanining predmeti, plakat shriftini yozishni o‘rganish va uni rangda bajarish, namuna asosida harflar va sonlarni yozish hamda rangda bo‘yash, murakkab reklama harflari asosida to‘liq alfavit va sonlarni yozish, rangda bo‘yash, yozuv kompozitsiyasi — e'lon, shior, tabrik matni kabi yozuvlarni yozishni o‘rganish, oddiy naqsh namunalarini chizish, boyash va pardozlash (1–10 gullar), hajmli buyumlar (o‘yinchoq, kubok, yodgorlik, esdalik buyumlari va h.k.), rangshunoslikka oid turli mashqlar bajarish kabi ko‘plab mavzular nazariy va amaliy jihatdan bayon qilingan. O‘quv qo‘llanmadan «5110800–Tasviriy san'at va muhandislik grafikasi» ta'lim yo‘nalishi talabalari qatorida, undan ilmiy izlanuvchilar, kasb–hunar kollejlari, litseylar, umumiy o‘rta ta'lim maktab o‘qituvchilari, maktabdan tashqari muassasalarning to‘garak rahbarlari va havaskor hunarmabd usta va rassomlar ham foydalanishlari mumkin.