Abstract

Мақола флувоксамин антидепрессант дори воситасини биологик суюқликлардан экстракция жараёнига таъсир қилувчи омилларни ўрганишга бағишланган. Экстракция усули замонавий криминалистикада, суд-кимё, кимё-токсикологик ва биофармацевтик таҳлилларда, сувли намуналардан текширилувчи моддаларни ажратиб олишда, ёт моддалардан тозалашда ҳамда уларни таҳлилини олиб боришда жуда кенг қўлланилади. Ушбу мақолада флувоксаминни экстракция натижари келтирилган. Эритмалардан флувоксаминни экстракция қилиш жараёнига органик эритувчиларнинг табиати, эритманинг рН кўрсаткичи ва экстракция сонининг таъсири ўрганилди. Тажриба натижалари асосида сувли эритмалардан флувоксаминни экстракциялаш муҳит рН кўрсаткичи 9,18 бўлганида, хлороформ билан уч қайта (94,2-95,1%) амалга ошириш мақсадга мувофиқ деб топилди. Ишлаб чиқилган экстракция шароитлари флувоксаминни қон таркибидан ўртача 52,28% миқдорда ажратиб олишга эришилди.