Abstract

Maqolada umumiy o‘rta ta’lim maktablarida xalq dostonlarini o‘qitishning bugungi holati va uni o‘qitish texnologiyalarini yanada takomillashtirishga oid tadqiqot natijalari yoritilgan. Tadqiqotda O‘zbekistondagi umumta’lim maktablari o‘quvchilari va adabiyot fani o‘qituvchilarining xalq dostonlari fanini o‘qitishning o‘ziga xos xususiyatlariga oid fikrlari o‘rganilib, tahliliy natijalari keltirilgan. So‘rovda 50 nafar o‘qituvchi va 95 nafar o‘quvchi ishtirok etib, doston o‘qitishda qanday usullardan foydalaniladi, ularni o‘zlashtirishda qanday qiyinchiliklar borligi haqidagi savollarga javob berdi. Mazkur tadqiqot xalq dostonlarini o‘qitishda o‘qituvchilarning o‘rni va ularni o‘zlashtirishda maktab o‘quvchilarining faolligini aniqlashga qaratilgan.