Economics and Management Engineering | Book | Published 2013
Дарҳақиқат ҳар қайси давлатда солиқ тизимидаги доимий муаммолардан бири бу тўғри ва эгри солиқларнинг ялпи ички маҳсулотдаги, Давлат бюджетидаги, қолаверса, солиқ тўловчилар зиммасидаги уларнинг оғирлигини объектив мутаносиб тақсимлаш ҳисобланади. Ушбу ҳолат солиқ тизимимиз учун хос бўлиб, бу муаммони ҳал этиш солиқларнинг адолатлилик тамойилининг амалда юзага чиқишини таъминлайди. Шундай экан тўғри солиқлар ва эгри солиқларга хос муаммоларни биргаликда тадқиқ этиш илмий услубиёт жиҳатдан номувофиқ бўлиб, қолаверса, жуда мушкул ҳисобланади. Шундан келиб чиқиб айтиш лозимки, эгри солиқларни алоҳида тадқиқ этиш юқоридаги муаммоларни ҳал этишда муайян ижобий самара бериши тайин.